Solucioni i sprejit Marisol sensitive për hundë është një solucion me kripë deti i pasuruar me ekstrakt të gjetheve të aloe verës. Ai synohet për personat me funksion normal fiziologjik të dëmtuar të mukozës së hundës, si dhe për mbajtjen e higjienës së përditshme të zgavrave të hundës. Solucioni Marisol sensitive rikthen lagështinë natyrale të mukozës së hundës, aftësinë e vetë-pastrimit dhe prodhimin normal të mukusit i cili e mbron nga tharja dhe irritimi mekanik (tym, pluhur, etj.). Xheli që rrjedh nga gjethet e aloe verës ka efekt anti-inflamator, çon në reduktimin e ënjtjeve dhe përmirëson procesin e epitelizimit në rastin e mukozës së hundës të irrituar dhe të dëmtuar gjatë dhe pas infeksionit. Përveç kësaj, ai përmban vitamina C dhe E, si dhe Zink, i cili redukton mundësinë e zhvillimit të infeksioneve bakteriale dhe virale në traktin e sipërm respirator. Për shkak të aftësisë së tij për të mbuluar dhe qetësuar plotësisht edhe mukozën më të ndjeshme të hundës, Marisol sensitive është veçanërisht i përshtatshëm për përdorim tek personat e prirur ndaj alergjive. Shpëlarja e rregullt e zgavrës së hundës, disa herë në ditë, redukton mundësinë e infektimit të traktit të sipërm respirator.

• për higjienën e përditshme të hundës
• për të nxitur epitelizimin e mukozës së hundës së dëmtuar (pas aplikimit të vazokonstriktorëve)
• për personat me rrugë respiratore të pakalueshme, ftohje virale dhe teshtitje me origjinë alergjike
• për mukozë të thatë dhe të irrituar funksioni normal fiziologjik i së cilës është i dëmtuar
• për personat që janë të prirur ndaj tharjes së mukozës në traktin respirator, kur udhëtojnë ose qëndrojnë në dhoma me ngrohje qendrore dhe ajër të kondicionuar
• direkt para përdorimit të pikave të hundës për të shpëlarë zgavrën e hundës dhe për të siguruar kontakt më të mirë të mjekimit me mukozën e hundës
• kur lëkura rreth hundës është e irrituar për shkak të përdorimit të shpeshtë të facoletave
• pas piercing-ut.